Çfarë do të thotë të luash kumar me përgjegjësi?
Të luash bixhoz i përgjegjshëm do të thotë të shijosh lojërat e fatit si një formë argëtimi, duke kontrolluar kohën dhe paratë që shpenzon. Lojtarët e përgjegjshëm i njohin kufijtë e tyre dhe nuk rrezikojnë të vendosin në bast më shumë para se sa mund të humbasin.
Qëllimi është të kënaqesh me lojrat e fatit pa dëmtuar mirëqenien tënde financiare, dhe të kërkosh ndihmë nëse loja fillon të shkaktojë varësi. Shpesh, ndihma vjen edhe nga vetë kazinotë, përmes vendosjes së kufijve për kohën dhe paratë që mund të shpenzosh.
Ke prirje për të krijuar varësi në bixhoz?
Kur mundësitë për të fituar janë të mëdha, është më e vështirë të luash bixhoz me përgjegjësi. Lojërat e fatit janë për argëtim, por për disa njerëz mund të kthehen në fiksim. Nëse përgjigjesh “po” për disa nga këto shenja që tregojnë hapat e parë ndaj varësisë nga bixhozi, është koha t’i limitosh bastet dhe të kërkosh ndihmë.
- A shqetësohesh kur nuk luan?
- A të rri mendja te loja pasi ke humbur?
- A ndihesh fajtor për shumën e parave që po shpenzon?
- A ke nevojë të luash me shuma më të mëdha për të ndjerë emocion?
- A po të shkakton bixhozi probleme financiare personale ose familjare?
- A ndikon negativisht bixhozi në marrëdhëniet personale, ose me kolegët?
- A ndjen nervozizëm, ankth apo pagjumësi kur luan lojëra fati?
Si të ndihmosh dikë që ka varësi lojërat e fatit
Të ndihmosh dikë që ka krijuar një varësi kërkon vëmendje, durim dhe mirëkuptim. Shpesh, vetë personi nuk e kupton gjendjen ku ndodhet dhe shenjat e varësisë janë të fshehura. Ndaj, duhet të jesh vigjilent të vësh re ndryshimet në sjelljen e përditshme që reflektojnë situatën shëndetësore dhe financiare.
Problemet financiare
Disa shenja të problemeve financiare kur dikush nuk luan kumar me përgjegjësi:
- Fatura të papaguara në kohë
- Para që mungojnë nga llogaria bankare
- Mungesë sendesh me vlerë të lartë monetare
- Vështirësi financiare për aktivitete të përditshme
- Marrja e disa kredive të ndryshme në të njëjtën kohë
- Kërkesa të shpeshta për borxh te miqtë apo familjarët
- Mbajtje të fshehta të dokumentave financiare
- Mungesë e përditshme ushqimi në shtëpi
Ndryshime në gjendjen emocionale dhe sjelljes
Disa ndryshime që janë shpesh pasojë e stresit, ankthit dhe humbjes së kontrollit:
- Rënie e përformancës në punë
- Ndryshime të papritura në personalitet
- Mbyllja në vetvete dhe tërheqja nga familjarët dhe miqtë
- Sjellje manipuluese për të bindur se janë shumë mirë
- Krijimi i situatave të tensionuara dhe nervozizëm pa arsye
- Përdorimi i kërcënimeve apo gënjeshtrave për të ndikuar të tjerët
- Shfaqje dëshpërimi, frustrimi apo depresioni në pamje ose gjatë bisedave
Shenja që lidhen me kohën
Këto shenja tregojnë se personi po kalon më shumë kohë duke luajtur në fshehtësi:
- Kalon orë të gjata duke luajtur lojëra fati
- Vonesa të gjata në përgjigje apo kryerjen e punëve
- Fshehje e aktiviteteve të përditshme me gënjeshtra të ndryshme
- Mbërritje gjithmonë me vonesë në takime apo angazhime
- Mungesa të pashpjegueshme në punë ose në shkollë
Mosha ligjore e të luajturit kumar me përgjegjësi nga Shqipëria
Në Republikën e Shqipërisë, aplikohen rregulla strikte për kazinotë. Pjesëmarrja lejohet vetëm për personat mbi 21 vjeç dhe kërkohet verifikim identiteti. Edhe platformat ndërkombëtare që pranojnë lojtarë Shqiptarë zbatojnë të njëjtin kufi moshe.
Mbrojtja e të miturve
Për të parandaluar të miturit të aksesojnë lojërat e fatit, mund të aplikohen disa masa:
- Protokolli KYC: Çdo lojtar duhet të vërtetojë identitetin me dokumente si pasaporta. Pa këtë hap, nuk lejohen depozitat. Në rast mashtrimi me moshën, kazinotë vendosin gjoba dhe bllokojnë aksesin.
- Vetë–bllokim: Vetë lojtarët ose familjarët e tyre mund të kërkojnë me shkrim ndalimin e hyrjes në këto kazino, përmes një kërkese zyrtare në Autoritetin Mbikëqyrës të Lojërave të Fatit (AMLF).
- Softuerë nga prindërit: Familjet mund të bllokojnë platformat e kazinove online në pajisjet që përdorin të miturit, ose mund të instalojnë softuerë monitorues brenda këtyre pajisjeve.
- Marketing i përgjegjshëm: Specialistët e marketingut duhet të vendosin limitin e moshës 21 vjeç kur krijojnë target grupet e reklamave të kazinove.
Opsione për të luajtur bixhoz i përgjegjshëm
Kazinotë serioze ofrojnë mjete që ndihmojnë lojtarët të luajnë lojëra fati me përgjegjësi dhe të parandalojnë problemet e mundshme të varësisë ndaj bixhozit. Ne publikojmë rishikime të kazinove që ofrojnë opsione për një lojë sa më të përgjegjshme.
Limiti i depozitës për të luajtur kumar me përgjegjësi
Ky opsion të lejon të vendosësh një kufi për depozitat ditore, javore ose mujore. Këtë limit mund ta kalosh deri në fund të periudhës së caktuar. Kufizimi ndryshohet vetëm pas një periudhe reflektimi nga lojtari.
Shuma maksimale e humbjeve
Me këtë opsion mund të caktosh një shumë maksimale humbjeje për një periudhë të caktuar. Kur e arrin këtë kufi, nuk mund të vazhdosh të luash deri në fund të afatit. Kjo është një mënyrë për të mbrojtur buxhetin.
Limiti i kohëzgjatjes së një sesioni loje
Në këtë opsion mund të vendosësh sa gjatë dëshiron të luash. Pas kësaj kohe, sistemi të nxjerr automatikisht nga loja. Kjo të ndihmon të mos humbasësh nocionin e kohës dhe të luash lojëra fati me përgjegjësi.
Ndërprerja e përkohshme nga loja
Kazinoja të lejon të vendosësh të mos hysh në llogari për disa ditë apo javë. Gjatë kësaj kohe, nuk mund të depozitosh para apo të luash. Është një mënyrë për të reflektuar dhe për të ndryshuar zakonet e lojës.
Vendosja e basteve
Ky opsion të lejon të përcaktosh sa para mund të vësh bast në një ditë, javë apo muaj. Pas këtij kufiri, nuk mund të vendosësh më baste deri në periudhën tjetër. Është një mënyrë për të mbajtur kontroll mbi paratë.
Historia e transaksioneve
Ky opsion jep një pasqyrë të plotë të depozitave, humbjeve dhe fitimeve. Mund të kontrollosh sa ke shpenzuar për të qenë më i vetëdijshëm. Kjo histori është e disponueshme në çdo moment brenda llogarisë.
Vetë-përjashtimi nga kazinoja
Vetë-përjashtimi është opsioni më i fortë, kur ndjen se loja të ka dalë jashtë kontrollit. Mund të aktivizohet direkt dhe nuk zhbëhet lehtësisht. Ti bllokon vetë hyrjen në llogari për 6 muaj, ose përgjithmonë.
Test vetëvlerësimi
Ky test të ndihmon të kuptosh nëse ke shenja të lojës së tepruar. Në bazë të përgjigjeve të sinqerta, testi të sugjeron nëse është koha të marrësh masa. Është një mënyrë për të reflektuar në kohën e duhur.
Vënia e alarmit
Ky opsion të njofton kur ka kaluar një periudhë e caktuar kohe që je duke luajtur. Mund të vendosësh vetë në sa minuta të bjeri alarmi. Ky sinjal të kujton të bësh një pushim dhe lojë të përgjegjshme.
Organizata që ndihmojnë kundër varësisë së bixhozit
Si brenda edhe jashtë Shqipërisë, ka disa mundësi trajtimi për personat që përballen me këtë varësi. Nëse ti ose dikush që njeh ka nevojë për ndihmë, ka organizata edhe në Tiranë.
Alba Nostra Salus
Alba Nostra Salus është një qendër rehabilitimi residenciale e përbërë nga një ekip specialistësh nga spitali Salus. Kjo qendër ofron trajtime të varësive patologjike. Ata ofrojnë seanca individuale ose në grup në Tiranë.
Gordon Moody
Gordon Moody është organizata kryesore në Mbretërinë e Bashkuar që ndihmon njerëzit falas. Ata ofrojnë trajtim rezidencial, ku qëllimi i tyre është të ndihmojnë individët të rindërtojnë jetën pas varësisë.
Gamble Aware
Gamble Aware është numri 1 në Britani si organizatë bamirëse e pavarur për edukim, parandalim dhe trajtim të dëmeve nga varësitë. Qëllimi është të ndërhyjë në kohë dhe ta trajtojë këtë si një problem të shëndetit publik.
Ndihma kundër varësisë së bixhozit në mbarë botën
Në shumë vende të botës ekzistojnë organizata të specializuara që ofrojnë ndihmë për lojtarët e varur nga bixhozi. Këto shërbime ofrojnë praktika të ndryshme shpesh në mënyrë anonime dhe falas. Nëse do të ndiheshit më mirë duke aksesuar organizata jashtë Shqipërisë, ja një listë me disa nga më të njohurat:
- SHBA – National Council on Problem Gambling dhe SAMHSA
- Belgjika – VAD. Tel: 02 423 03 33
- Spanja – FEJAR. Tel: 900 200 225
- Franca – IFAC. Tel: +33 (0)2 40 84 76 20
- Holanda – AGOG. Tel: 0900-2177721
- Norvegjia – Hjelpelinjen Tel: 800 800 40
- Austria – Spielsuchthilfe. Tel: (1) 544 13 57
- Zvicra – Sucht Schweiz. Tel: 021 321 29 11
- Suedia – Stödlinjen. Tel: 020-819 100
Mos hezitoni asnjëherë drejt të kërkuarit ndihmë
Të dish kur të ndalosh dhe sa para mund të shpenzosh është mënyra më e mirë për të shmangur pasojat. Nëse ti vetë nuk mundesh të ndalosh, atëherë përdor opsionet e ndryshme që ofrohen për lojë të përgjegjshme.
Varësia shpesh nuk dallohet menjëherë, por lë gjurmë në sjellje, në marrëdhënie dhe në financa. Bisedat e sinqerta dhe mbështetja nga të afërmit mund të bëjnë diferencën. Askush nuk është i paprekshëm nga kjo varësi, ndaj është e rëndësishme të ofrosh ndihmë pa paragjykim.
Nëse ti ose dikush pranë teje nuk po luan kumar me përgjegjësi dhe ka nevojë për ndihmë, ekzistojnë organizata të sigurta që ofrojnë ndihmë profesionale brenda dhe jashtë Shqipërisë.
Pyetjet më të shpeshta
